O Concello de Pontevedra dedicoulle institucionalmente o ano 2011 a Xoán Manuel Pintos, coincidido coa celebración dos 200 anos do seu nacemento no barrio do Burgo.
O itinerario propón un paseo visitando dez puntos significativos da vida e da obra deste persoeiro senlleiro da literatura galega e pioneiro na reclamación da dignidade de Galiza e da súa lingua.
Entre outros percórrense o barrio do Burgo, Santa María, San Bartolomeu e a Ferraría.
Coñecer a figura de Xoán Manuel Pintos axudará aos participantes a entender os acontecementos políticos, sociais e culturais do século XIX, época de cambios significativos para a cidade de Pontevedra.
Esta actividade realizarase calquera día da semana agás martes e mércores.
Mínimo 15 participantes e máximo 60.
Duración: dúas horas.
Recomendado para 3º ciclo de Primaria, ESO, Bacharelato, ciclos formativos.
Dispoñemos dunha publicación que complementa o roteiro. Para consultar máis información sobre este roteiro pódese visitar o web do Ano Pintos:
